Genade Granaat gastehuis
Welkom by ons gastehuis, Genade Granaat, op ‘n klein hoewe, slegs 5km buite Groot Brakrivier, wat omring is deur ‘n weelderige natuurskoon, ‘n unieke ligging tussen die rivier en die see. Die dorpie is deel van die Tuinroete en bied ‘n asemrowende uitsig oor die omgewing se groen heuwels, fynbos veld en die blou golwe van die Indiese Oseaan. Groot Brakrivier bied ook ‘n pragtige strand waar mense kan ontspan en die son, see en sand kan geniet. Die strand is ideaal vir stap, swem, en son bederf, en dit bied ‘n rustige en skilderagtige atmosfeer vir die hele gesin.
Ons is 10 minute van George lug-hawe en 20 minute van George, ‘n pragtige stad omring deur ‘n skouspelagtige landskap van berge, vrugteplase en weelderige woude. Wêreldklas gholfbane en trek spelers van regoor die wêreld. Dan Mosselbaai, so 20 minute van die vriendelike stad met sy pragtige, uitgestrekte strande wat ‘n paradys vir strand liefhebbers is. Of jy nou wil swem, sonbaai of net ontspan, daar is ‘n strand vir elke smaak. Diaz Strand, Santos Strand en Hartenbos Strand is gewilde bestemmings wat skoon sand, vars see lug en kristalhelder water bied. Hier is opwindende adrenalien avonture beskikbaar, maar kom ontdek vir u self.
Ons gastehuis het 3 slaapkamers met koningin-grootte beddens en stapelbeddens, wat geskik is vir 'n gesin vakansie of 'n groep vriende. Die ruim leefarea en goed toegeruste kombuis bied julle alle geriewe wat julle benodig. Daar is ook 'n eetkamer waar julle saam kan smul. Buite, braai geriewe vir gesellige braai tye. Solar beskikbaar, geen Eskom beurt krag. Daar is 'n groot parkeerarea beskikbaar, wat gerieflik is vir diegene wat met eie vervoer reis en selfs ‘n sleepwa bring.
Reg oorkant die pad sal julle die gemak van Genade Granaat Padstal ervaar, waar 'n deli julle verlei met heerlike lekkernye, konfyte, koekies en geskenke om van te kies. Vars vrugte en groente, klere van alle kleure, ou boeke om stories te ontdek en 'n koffiewinkel om julle smaakknoppies te bevredig. Moenie vergeet van Mooiuitsig Kombuis restaurant nie. By Genade Granaat gastehuis kan julle die buitelug ten volle geniet, die skoonheid van Groot Brakrivier en omliggende plekkies ontdek. Ons sal seker maak dat julle vriendelik ontvang word en ons gasvryheid sal julle verblyf by ons ekstra spesiaal maak. Ons sien daarna uit om julle te verwelkom en 'n onvergeetlike tyd saam te deel. Kontak ons gerus vir besprekings en enige navrae.